სლოვაკეთის თავდაცვის მინისტრის იაროსლავ ნადის ცნობით, ქვეყანამ ვლადიმერ პუტინის დაბადების დღესთან დაკავშირებით უკრაინას დამატებით 2 თვითმავალი საარტილერიო სისტემა, ჰაუბიცა Zuzana 2 გადასცა.
ამის შესახებ სლოვაკეთის თავდაცვის მინისტრმა ტვიტერზე დღეს, 9 ოქტომბერს დაწერა.
თავდაცვის მინისტრის ცნობით, სლოვაკეთი უკრაინისთვის „ბევრად მეტ“ დახმარებას მიაწვდის.
„იმისთვის, რომ მისი 70-ე დაბადების დღე აღვნიშნოთ, აგრესორი პუტინისთვის მორიგი საჩუქარი გვაქვს. დამატებით 2 ერთეული Zuzana 2 ჰაუბიცა უკვე უკრაინაშია (და ბევრი მეტი იგეგმება). ჩვენ უკრაინის გვერდით ვდგავართ“ - აცხადებს ნადი.
To mark his 70th birthday, we delivered yet another gift to agressor Putin. Another two new #Zuzana2 howitzers are now in @Ukraine (and much more to come ). #WeStandWithUkraine @DefenceU @oleksiireznikov @UKRinSR @Slovakia_NATO pic.twitter.com/myqiYniJxp
მანამდე 4 ქვეყანა: დანია, სლოვაკეთი, ნორვეგია და გერმანია შეთანხმდნენ, რომ უკრაინისთვის გადასაცემად სლოვაკური წარმოების უპილოტო საარტილერიო აღჭურვილობის წარმოებას დააფინანსებენ.
დაგეგმილია, რომ სლოვაკეთი 16 ერთეულ Zuzana 2 ჰაუბიცას უკრაინას 2023 წელს გადასცემს.
დახურვა